Компанияға шолу

"Теңізшевройл" ЖШС Қазақстан Республикасы Үкіметі мен "Шеврон" корпорациясы арасында 1993 жылы Теңіз кенішін игеру мақсатында құрылды. Бүгінгі таңда ТШО Қазақстандағы аса ірі және ең қауіпсіз компанияға айналды. Оның басты өнімі шикі мұнай, газ және күкірт.

ТШО-ның қазіргі серіктестері (%)


Шеврон

ЭксонМобил

ҚазМұнайГаз

ЛукАрко

50

25

20

5

2016 жылдың қорытындысы бойынша мәлімет

  • Жалпы барланған қоры жөнінен Теңіз кенішінде 3,2 миллиард тонна (25,5 млрд. баррель), ал Королев кен алаңында 200 миллион тонна (1,6 млрд. баррель) шамасында мұнай бар деп есептелінеді.
  • Теңіз және Королев кеніштерінен алынатын мұнай қоры 890 миллионнан 1,37 миллиард тоннаға дейінгі мөлшерді (7,1 - 10,9 млрд. баррель) құрайды.
  • Теңіз коллекторының ені 20 шақырым (12 миль), ұзындығы 21 шақырым (13 миль).
  • ТШО 2008 жылы Шикі газ айдау және Екінші буын зауыты (ШГА/ЕБЗ) жобасын аяқтап, нәтижесінде мұнай өндірудің тәуліктік көлемі шамамен 75 000 тоннаға немесе 600 000 баррельге, ал, табиғи газ 22 миллион текше метрге немесе 750 миллион текше футқа жетті. 


  • 2017 жылдың 1-тоқсаны бойынша мұнай өндіру көлемі 7,30 миллион тоннаны (58 миллион баррель) құрады.



  • 2017 жылдың 1-тоқсаны бойынша, ТШО сұйытылған газ сату көлемін 0,35 миллион тонна, табиғи газ сату көлемін 1,93 миллиард текше метр, ал күкірт сату көлемін 0,59 миллион тоннаға жеткізді.



  • 2000 жылдан бері ТШО қоршаған ортаға әсерді азайтуға бағытталған жобаларға 3 миллиард АҚШ доллар көлемінде қаржы бөлді.
  • Қазіргі таңда ТШО өндірілген газдың 98%-дан астамын кәдеге жаратуда.
  • Зауыт сенімділігін арттыру шараларына жұмсалған инвестициялар зауыттардағы техникалық ақаулар санын және олар орын алған кезде шикі және қышқыл газды алауларда жағу мөлшерін 2000 жылдан 2017 жылдың 1-тоқсанына дейін аралықта 84%-ға азайтуға ықпалын тигізді.
  • 2000 жылдан бері өндірілген мұнайдың бір тоннасына шаққандағы атмосфераға жіберілген шығарындылардың көлемі 70%-ға азайды. ТШО күрделі жобаларды жүзеге асыру және жабдықтардың сенімділігіне жасалған инвестициялар нәтижесінде аталған мерзім ішінде жылдық мұнай өндіру көлемін 2,5 есе арттырды.


  • 1993 жылдан 2017 жылдың бірінші тоқсанына дейінгі аралықта ТШО-ның Қазақстан Республикасына тікелей қаржы төлемдері 119 миллиард АҚШ долларынан астам соманы құрады. Бұған ТШО-ның жергілікті қызметкерлеріне төленген еңбекақы, қазақстандық тауар өндірушілер мен жабдықтаушылардың өнімдері мен қызметтерін сатып алуға жұмсалған қаржы, мемлекеттік кәсіпорындарға аударылатын тарифтер мен төлемдер, қазақстандық серіктеске бөлінген тиісті дивидендтер, сонымен қатар мемлекеттік бюджетке аударылған салық және роялти түріндегі төлемдер кіреді.
  • 2017 жылдың бірінші тоқсаны бойынша Қазақстан Республикасына төленген тікелей төлемдердің көлемі 2,4 миллиард АҚШ долларынан асты.
  • 2017 жылдың бірінші тоқсанында ТШО қазақстандық тауарлар мен қызметтерді пайдалануға 494 миллион АҚШ доллары шамасында қаржы жұмсады, оның 160 миллион АҚШ доллары ККЖ-ҰЕҚБЖ аясында жұмсалды.
  • 1993 жылдан бастап ТШО қазақстандық жеткізушілердің 22 миллиард АҚШ долларын құрайтын тауарлары мен қызметтерін пайдаланды.


  • Қазіргі таңда ТШО-да жұмыс істейтін қазақстандық қызметкерлердің үлесі 1993 жылғы 50% көрсеткішпен салыстырғанда 85% құрайды. 
  • ТШО-дағы жергілікті ұлттық басшылардың, орта буын жетекшілерінің үлесі жалпы басшылық құрамның 72% құрайды. Кадрларды оқыту және шыңдау жөніндегі тұрақты бағдарламаны жүзеге асыру нәтижесінде жауапты басшылық лауазымдарға тағайындалған жергілікті қызметкерлер қатары көбейе түсуде.


  • 1993 жылдан бастап ТШО өз қызметкерлері мен жергілікті тұрғындардың игілігі үшін Атырау облысының әртүрлі әлеуметтік жобаларына 1,3 миллиард АҚШ долларынан астам қаржы жұмсады.
  • 2017 жылдың «Игілік» ерікті әлеуметтік инфрақұрылым бағдарламасы бюджеті 25 миллион АҚШ долларын құрады. Аталмыш қаржының негізгі үлесі Атырау облысында балабақшалар, мектептер және басқа да әлеуметтік нысандардың құрылысына жұмсалады.
  • 2017 жылы Атырау облысының денсаулық сақтау және білім беру салаларына қолдау көрсету мақсатында ТШО-ның әлеуметтік инвестициялар бағдарламасына 1,2 миллион АҚШ доллары шамасында қаржы бөлінді.


  • 2016 жылда ТШО серіктестері Теңіз мұнай кен орнының өндірістік қуаттылығын арттырудың келесі кезеңі болып табылатын Келешек кеңею жобасы - Ұңғы ернеуіндегі қысымды басқару жобасын (ККЖ-ҰЕҚБЖ) қаржыландыру жөніндегі ақырғы шешімнің қабылданғаны туралы жариялады.  
  • Тиімділігін барынша арттырып, қаражатты үнемдеу мақсатында ККЖ-ҰЕҚБЖ нысандарының құрылысы бір уақытта орындалып жатыр.   
    • Өндірістік қуатты арттыру мақсатында табысты түрде жүзеге асырылған ТШО-ның алдыңғы ЕБЗ/ШГА жобасы тәжірибесін негізге ала отырып, ККЖ өндіріс  қуатын жылына шамамен 12 млн тонна немесе тәулігіне 260 мың баррельге арттырып, осылайша, мұнай өндірісінің жылдық көлемін шамамен 39 млн тоннаға немесе тәулігіне 850 мың баррельге жеткізуде мақсат етеді. 
    • ҰЕҚБЖ атқылайтын ұңғылардың ернеулік қысымын төмендетіп, қолданыстағы алты кешенді технологиялық желінің кіре берісіндегі қысымды арттыру арқылы Теңіз кен орнында жұмыс жасайтын зауыттардың толық қуатпен жұмыс істеуін қамтамасыз етеді. 
  • ККЖ-ҰЕҚБЖ жабдықтарының негізгі бөлігі Қазақстан, Оңтүстік Корея және Италияда өндіріледі және алдын ала модульдер құрастырылған соң соңғы құрастыру үшін Теңізге жеткізіледі. 
  • ККЖ-ҰЕҚБЖ-да жалпы инженерлік жобалау жұмыстарының 60%-ы аяқталды. 
  • Теңіз кен орнындағы инфрақұрылымды салу жұмыстары жоспарға сәйкес қарқынмен орындалуда, Жүк тасымалдау бағдары (ЖТБ) бойынша жұмыстар да дәл солай.
  • 2016 жылдың қазан айында Қазақстанның Маңғыстау облысында орналасқан ЕРСАЙ өндірістік алаңында құбыр эстакадаларын жасау басталып, қазіргі таңда жұмыстар жоспарға сәйкес орындалуда.
  • ККЖ-ҰЕҚБЖ-да құрылыс және өндіріс жұмыстарының қызған шағында шамамен 20 мың жұмыс орны ашылады деп күтілуде.
  • ТШО қазақстандық жабдықтаушыларды ККЖ-ҰЕҚБЖ үшін жобалау, сатып алу және модульдерді дайындау қызметтеріне белсенді түрде жұмылдыруда. Қазіргі таңда 1800-ден астам қазақстандық компания алдын-ала іріктеуден өтті.