Теңіз кенішінің ашылуы

Теңіз мұнай кеніші 1979 жылы Қазақстанның батыс аймағында ашылды. 1979 жылдың 18 желтоқсанында осы алаңдағы бірінші ұңғыдан 4045 – 4095 метрлік тереңдікте орналасқан тұз қабаты астындағы қыртыстан мұнай алынды. Өткен ғасырдың сексенінші жылдарының басынан ортасына дейін кеніш территориясында бұрғылау жұмыстары белсенді жүргізілді. 100-ден аса ұңғы бұрғыланды.

«Тенгизнефтегаз» құрылды

1985 жылдың ақпанында алып кен орнын игеру мақсатында «Тенгизнефтегаз» өндірістік бірлестігі құрылды.

Т-37 ұңғысында орын алған апаттық жағдай

1985-ші жылдың маусымында Т-37 ұңғысының фонтанынан өрт шықты. Бұл өрт 400 күнге созылып, ол 'Камерон' компаниясының мамандарының көмегімен сөндірілді.

Теңізде құрылыс жұмыстарының басталуы

1986 жылдың басында мұнай өнеркәсібінің нысандарында құрылыс жұмыстары белсенді басталды, ал көктемнің келісімен – зауыт комплексінің нысандарында. Теңізге Батыс Германия, Франция, Канада және Венгр Халық Республикасының мамандары мен құрылысшылары келді. Отандық мұнай институттарының немістің «Лурги», канадалық «Лавалин» және американдық «Литвин» компанияларымен бірлесе отырып дайындаған жобасы бойынша «Ведепсьер» венгр компаниясы Теңіз газ өңдеу зауытының маңызды бөлшегі кешендік технологиялық желілер КТЖ-1 және КТЖ-2 салды.

Теңіз мұнай-газ кешенінің қосылуы

1991 жылдың 6 ақпанында инженер Борис Васильев пен оператор Абдулхамит Артығалиев және Ғафурин Әубәкіров Т-8 ұңғысын іске қосты. Күкірттік сутектен және қоспалардан тазарту үшін шикі мұнай зауыт кешеніне жіберілді. Теңіз мұнай-газ кешені іске қосылды.

«Теңізшевройл» бірлескен кәсіпорнының құрылуы

ТШО-ның бағдарламасы «Атырау Бонус Қоры»

«Атырау Бонус Қоры» деп аталатын бесжылдық әлеуметтік инвестициялар бағдарламасы жүзеге асырыла басталды, оның бюджеті 50 млн.АҚШ долларын құрады. Атырауда қалалық қазандыққа дейін автоматтандырылған қазандық және Редут ауылынан қала және оған жақын орналасқан елді мекендерді газбен қамтуға жеткілікті қуаты бар табиғи газ құбырының құрылысы басталды. «Атырау Бонус Қоры» бағдарламасы аясында нан зауытының құрылысы жүргізілді, Атырау облыстық ауруханасын жөндеу және қайта жарақтандыру жұмыстары аяқталды. Құлсарыда жедел медициналық жәрдем көрсету ауруханасы, ал Атырау қаласында жаңа медициналық аппараттармен жабдықталған диагностикалық орталық салынды.

Мұнай кешен алғашқы рет жаңарту

1997 жылы Теңізде алғашқы ірі мұнай кешенін жаңарту аяқталды – Debottlnecking – «Тар жерлерді кеңейту» жобасы жүзеге асырылды. Бұл жоба жылдық мұнай өндіру көлемін 7 миллион тоннаға дейін жеткізуге мүмкіндік берді. Дәл осы жылы өндірістік қуатты одан әрі арттыру бойынша «Бесінші желі» және «Бағдарлама-12» жобалары жүзеге асты. 2001 жылы мұнай өндіру көлемі 12 миллион тоннаға өсті.

«Игілік» әлеуметтік инфрақұрылым бағдарламасының басталуы

Жаңадан «Игілік» атты ерікті бағдарлама (қазақ тілінен - 'благо') іске қосылды. Осы бағдарлама аясында Атырау қаласындағы Орал өзені арқылы орталық көпірді қайта қалпына келтіруге 4 млн АҚШ доллары бөлінді. 2000 жылы бағдарлама бюджеті 5 миллион АҚШ долларын құрады.

КТК мұнай құбыры іске қосылды

2001 жылдың басында Новороссийск Қара теңіз портының мұнай терминалдарына Теңіз мұнайын тасымалдау үшін КТК мұнай құбыры іске қосыды.

Екінші буын зауытының және Шикі газ айдау кешенінің құрылысының басталуы

2001 жылы Екінші буын зауыты және Шикі газ айдау (ЕБЗ/ШГА) жобалары бойынша жұмыстар басталды. Қазақстанда мұнай өнідірісі тарихындағы мұнай кешенінің қуатын арттыру бойынша ең ірі жобаны жүзеге асыру 2003 жылы басталып, 2008 жылы табысты аяқталды.

«Игілік» бағдарламасының жылдық бюджеті 12 миллион АҚШ долларын құрады

Екінші буын зауытын іске қосу

2008 жылдың 5 маусымында ЕБЗ/ШГА кешенін Қазақстан Республикасының Президенті Нұрсұлтан Назарбаев ашты. 'Екінші буын зауыты – ең ірі инновациялық жобалардың бірі. «Теңізшевройл» бірлескен кәсіпорны расында да еліміздің мұнай-газ саласындағы корпоративтік көшбасшы болып табылады. Бағасы 7 млрд АҚШ долларын құрайтын осы жоба қазіргі таңда ТМД елдеріндегі ең ірі жоба болып табылады. Оның қуаты Қазақстанға жылына 25 млн тонн мұнай өндіруге мүмкіндік берді. Сонымен қатар, жоғары технологиялық жабдықты қолдану ауаға зиянды заттар шығарындылар көлемін азайтуға ықпал етті', - деді Елбасы.

Шикі газ өндіру көлемі 25 миллион тоннаға жетті

ЕБЗ/ШГА жобалық қуатына 2009 жылы қол жеткізгеннен бері ТШО-ның шикі газ өндіру көлемі 25 миллион тоннаға жетті, яғни кешеннің өндіріс қуаты екі есеге артты.

«Игілік» бағдарламасының бюджеті осы уақытқа дейін жылына 20 миллион АҚШ долларын құрады

'Игілік' бағдарламасын жүзеге асырудың жалпы мерзімінде Атырау облысындағы түрлі әлеуметтік инфрақұрылым жобаларына 150 миллион АҚШ доллары бөлінді.

ТШО «Парыз» Гран-при сыйлығының иегері

2011 жылы «ТЕҢІЗШЕВРОЙЛ» әлеуметтік жауапкершілік жөніндегі «Парыз» республикалық байқауында Гран-при сыйлығына ие болды. Сыйлықты табыс ету рәсімі Астана қаласында өтті. Осы сыйлықты ТШО бас директоры Тим Миллерге ҚР Президенті Нұрсұлтан Назарбаев табыс етті.

ТШО құрылғанынан бері 2 миллиард баррель шикі мұнай өндірілді

«Игілік» бағдарламасының жылдық бюджеті 25 млн АҚШ долларына дейін өсті

Бұған қоса, ТШО бірнеше марапат иесі атанды: Ұлттық салалық «Қорған» конкурсының «Мұнай-газ саласындағы жыл компаниясы» номинациясы бойынша; KAZENERGY 8-ші Еуразиялық форумының бизнестің әлеуметтік жауапкершілігі жөніндегі конкурсының лауреаты атанды. «ТШО жаңалықтары» корпоративтік газеті «Үздік корпоративтік БАҚ – ENERGY TRIBUNE, 2013 жыл» конкурсында үздік аймақтық корпоративтік басылым болып танылды.

ТШО 20-жылдық мерейтойын атап етті

Өткен 20 жыл ішінде ТШО-ның Атырау облысындағы әлеуметтік бағдарламалар мен жобаларға жұмсаған қаражаты 800 миллион АҚШ долларынан асты, кәсіпорынның Қазақстан Республикасына жұмсаған тікелей төлемі 77 миллиард АҚШ долларынан асты.

Теңіз кенішіндегі күкірт алаңдары тазартылды

Қазан айының аяғында «Теңізшевройл» ЖШС сақталған күкірттің соңғы партиясының жөнелтілуі жөнінде Үкіметке ресми түрде мәлімдеді және осылайша өз мойнына алған міндеттемесін мерзімінен екі жылға ерте орындады.

ККЖ-ҰЕҚБЖ-ны қаржыландыру жөніндегі соңғы шешімнің қабылдану жөнінде жариялануы

2016 жылдың шілде айында ТШО Серіктестері ККЖ-ҰЕҚБЖ-ны қаржыландыру жөніндегі соңғы шешімнің қабылданғанын жариялады. ТШО мен Қазақстан Республикасы үшін аса маңызды болып табылатын бұл шешім кәсіпорынның біліктілігі жоғары, өз ісінің шын мәніндегі кәсіби шеберлері арқасында қабылданды.

1993 жылдан бері 3 миллиард баррель мұнай өндіру межесіне қол жеткізілді

ТШО 25-жылдық мерейтойын атап өтуде

ККЖ-ҰЕҚБЖ құрылысының ең белсенді кезеңінде Теңіз кен орнында 90 мыңға жуық қазақстандық жұмыс істеп жатыр.

Әкімдіктер мен «Теңізшевройл» компаниясы арасындағы келісім бойынша Атырау және Маңғыстау облыстарының тұрғындарын кәсіптік оқыту бағдарламасы іске қосылып, жүзеге асырылды.

ККЖ-ҰЕҚБЖ соңғы құрастырмалы модульдік блоктары (ҚМБ) әрі қарай қайта құрастыру үшін Теңіз кен орнына қауіпсіз жеткізілді.

ТШО Атырау облысына медициналық құрал-жабдықтар мен керек-жарақтарды сатып алуды қоса алғанда, COVID-19 індетіне қарсы күресте халықты қолдауға 18 миллион АҚШ долларынан (7,7 миллиард теңге) астам қаржы бөлді.

«Randstad Employer Brand Research» тәуелсіз халықаралық компаниясы «Теңізшевройл» мекемесін 2020 жылы Қазақстандағы ең үздік жұмыс беруші ретінде таныды

Теңізшевройл (ТШО) 1993 жылы бірлескен кәсіпорын құрылғаннан бері 500 миллион тоннадан (4 миллиард баррель) астам мұнай өндіріп, өзінің 28 жылдық тарихындағы тағы бір маңызды белеске қол жеткізді.

ТШО-ның барлық өндірістік қондырғыларын бір басқару орталығына және операциялық модельге біріктіретін заманауи нысан – Біріккен Өндіріс Басқару Орталығының (БӨБО) іске қосылуы.