Қазақстандық қамту

Астана қаласында Қазақстан Республикасы Энергетика министрлігі мен үш ірі мұнай-газ операторларының, оның ішінде Теңізшевройл (ТШО) компаниясының қатысуымен  мұнай-газ машина жасау саласын дамытуға арналған халықаралық орталық (IMB орталығы) мүшелерінің жыл сайынғы кездесуі өтті.

Кездесу кезінде IMB орталығының өкілдері өткен жылдағы жұмыстарының нәтижелерімен бөлісті, сондай-ақ қазақстандық компанияларды дамыту және олардың құзыреті мен біліктілігін арттыру бойынша алдағы жоспарларды талқылады. Соңғы жылдары IMB орталығы операторлардың қажеттіліктерін саралау, қазақстандық өндірушілер нарығын бағалау, өндіріс орындарын аралау және операторлардың техникалық талаптарын нақтылау бойынша айтарлықтай жұмыс жүргізді.

Энергетика министрі әрекеттерді біріздендіру және одан бұрын келісілген уағдаластықтардың іс жүзінде орындалуын қамтамасыз ету қажеттігін атап өтті. «Біз серіктестеріміздің Қазақстан экономикасына қосқан үлесін жоғары бағалаймыз, бірақ сонымен бірге жаңа шешімдер қабылдау мүмкіндігін де көріп отырмыз. Біздің концептуалды мақсатымыз – алып жобалардың айналасында толыққанды тәуелсіз өнеркәсіптік кластер құру. Бүгінгі таңда бұл ұлттық экономикалық тұрақтылыққа тікелей қатысты мәселе», - деді ҚР Энергетика министрі Ерлан Ақкенженов.

ТШО отандық өндірушілердің біліктілігін арттыру және олқылықтарын анықтау бағытында IMB-орталығы жүргізіп жүрген жұмысты қолдайды, бұл сенімді әрі экономикалық тұрғыдан тиімді жеткізушілер базасын қалыптастыруға мүмкіндік береді.

ТШО-ның бас директоры Уильям Лакоби «ТШО компаниясы қазақстандық қамту үлесін ұлғайту Қазақстан үшін стратегиялық мәселе екенін түсінеді және біз тауарларда, жұмыстарда және қызметтерде қазақстандық қамтуды дамытуға үздіксіз ұмтылатын боламыз. Жергілікті компаниялардың халықаралық стандарттарға, әсіресе қауіпсіздік техникасына қатысты талаптарға бейімделуге дайын болуы аса маңызды, себебі Қазақстандағы мұнай кен орындары техникалық жағынан өте күрделі», - деп атап өтті.

ТШО 1993 жылдан бері 51 миллиард АҚШ долларына жуық қазақстандық қамтушылардың тауарларын, жұмыстары мен қызметтерін пайдаланды және қазіргі таңда қазақстандық қамтудың үлесі 70%-ға жақындады. ТШО-ның қазақстандық қамту үлесі алуан түрлі және Атыраудан тыс өңірлерді қамтиды, бұл елдің бірнеше аймақтарында экономиканың дамуына септігін тигізеді.

IMB-орталығының отандық мұнай-газ саласындағы тауарларын дамыту бағытындағы іс-шараларын күшейту үшін жаңа мандат әзірленіп, операторлармен келісілді. Қазақстандық қамтуды дамытуды одан әрі қолдау және жергілікті тауар өндірушілерін барынша тарту мақсатында тендер тәртібіне өзгерістер жасалып, тендер өткізу арнайы тәсілдері енгізілді.

IMB-орталығымен бірлескен жұмыс нәтижесінде өткен жылы ТШО техникалық күтім, жөндеу және өндіріс қызметтері және қорғаныс материалдарын жеткізу жөніндегі ұзақ мерзімді келісімшарттарға, бірнеше меморандумдар мен келісімдерге қол қойды, қазіргі таңда олар бойынша жұмыс жүргізіліп жатыр. 2024 жылдан бері ТШО 16 қазақстандық өндірушілердің біліктілік деңгейін саралаудан өткізіп, оларды ТШО-ның бекітілген өндірушілер тізіміне қосты, осылайша, аталмыш компаниялардың ТШО-ның талаптарына және стандарттарына сай екенін мойындады.

Жуырда қол жеткізген табысты нәтижелер қатарынан атап өтсек, 10,5 миллион АҚШ долларынан асатын жабдықты жеткізуге отандық және жергіліктендірілген компанияларға 4 сатып алу тапсырысына қол қойылды.

Жақында ТШО-ның қазақстандық қамтуды дамыту тобы  IMB-орталығымен бірге Қазақстанның барлық аймақтарын жүйелі түрде тексеру және жергілікті өндірушілердің мүмкіндіктерін зерттеу мақсатында ТШО-ның ауқымды жоспары аясында шымкенттік өндірушілердің нысандарына іссапармен барды.

IMB-орталығы 2021 жылы үш ірі мұнай-газ операторы: Теңізшевройл, Қарашығанақ Петролиум Оперейтинг Б.В., Норт Каспиан Оперейтинг Компани Н.В. компанияларының қолдауымен Қазақстанның мұнай-газ саласындағы OEM өндірушілерін жергіліктендіру және тауарлардағы қазақстандық қамту үлесін ұлғайту арқылы өндірісті дамыту мақсатында құрылды.

Астана қаласында Қазақстан Республикасы Энергетика министрлігі мен үш ірі мұнай-газ операторларының, оның ішінде Теңізшевройл (ТШО) компаниясының қатысуымен  мұнай-газ машина жасау саласын дамытуға арналған халықаралық орталық (IMB орталығы) мүшелерінің жыл сайынғы кездесуі өтті.

Кездесу кезінде IMB орталығының өкілдері өткен жылдағы жұмыстарының нәтижелерімен бөлісті, сондай-ақ қазақстандық компанияларды дамыту және олардың құзыреті мен біліктілігін арттыру бойынша алдағы жоспарларды талқылады. Соңғы жылдары IMB орталығы операторлардың қажеттіліктерін саралау, қазақстандық өндірушілер нарығын бағалау, өндіріс орындарын аралау және операторлардың техникалық талаптарын нақтылау бойынша айтарлықтай жұмыс жүргізді.

Энергетика министрі әрекеттерді біріздендіру және одан бұрын келісілген уағдаластықтардың іс жүзінде орындалуын қамтамасыз ету қажеттігін атап өтті. «Біз серіктестеріміздің Қазақстан экономикасына қосқан үлесін жоғары бағалаймыз, бірақ сонымен бірге жаңа шешімдер қабылдау мүмкіндігін де көріп отырмыз. Біздің концептуалды мақсатымыз – алып жобалардың айналасында толыққанды тәуелсіз өнеркәсіптік кластер құру. Бүгінгі таңда бұл ұлттық экономикалық тұрақтылыққа тікелей қатысты мәселе», - деді ҚР Энергетика министрі Ерлан Ақкенженов.

ТШО отандық өндірушілердің біліктілігін арттыру және олқылықтарын анықтау бағытында IMB-орталығы жүргізіп жүрген жұмысты қолдайды, бұл сенімді әрі экономикалық тұрғыдан тиімді жеткізушілер базасын қалыптастыруға мүмкіндік береді.

ТШО-ның бас директоры Уильям Лакоби «ТШО компаниясы қазақстандық қамту үлесін ұлғайту Қазақстан үшін стратегиялық мәселе екенін түсінеді және біз тауарларда, жұмыстарда және қызметтерде қазақстандық қамтуды дамытуға үздіксіз ұмтылатын боламыз. Жергілікті компаниялардың халықаралық стандарттарға, әсіресе қауіпсіздік техникасына қатысты талаптарға бейімделуге дайын болуы аса маңызды, себебі Қазақстандағы мұнай кен орындары техникалық жағынан өте күрделі», - деп атап өтті.

ТШО 1993 жылдан бері 51 миллиард АҚШ долларына жуық қазақстандық қамтушылардың тауарларын, жұмыстары мен қызметтерін пайдаланды және қазіргі таңда қазақстандық қамтудың үлесі 70%-ға жақындады. ТШО-ның қазақстандық қамту үлесі алуан түрлі және Атыраудан тыс өңірлерді қамтиды, бұл елдің бірнеше аймақтарында экономиканың дамуына септігін тигізеді.

IMB-орталығының отандық мұнай-газ саласындағы тауарларын дамыту бағытындағы іс-шараларын күшейту үшін жаңа мандат әзірленіп, операторлармен келісілді. Қазақстандық қамтуды дамытуды одан әрі қолдау және жергілікті тауар өндірушілерін барынша тарту мақсатында тендер тәртібіне өзгерістер жасалып, тендер өткізу арнайы тәсілдері енгізілді.

IMB-орталығымен бірлескен жұмыс нәтижесінде өткен жылы ТШО техникалық күтім, жөндеу және өндіріс қызметтері және қорғаныс материалдарын жеткізу жөніндегі ұзақ мерзімді келісімшарттарға, бірнеше меморандумдар мен келісімдерге қол қойды, қазіргі таңда олар бойынша жұмыс жүргізіліп жатыр. 2024 жылдан бері ТШО 16 қазақстандық өндірушілердің біліктілік деңгейін саралаудан өткізіп, оларды ТШО-ның бекітілген өндірушілер тізіміне қосты, осылайша, аталмыш компаниялардың ТШО-ның талаптарына және стандарттарына сай екенін мойындады.

Жуырда қол жеткізген табысты нәтижелер қатарынан атап өтсек, 10,5 миллион АҚШ долларынан асатын жабдықты жеткізуге отандық және жергіліктендірілген компанияларға 4 сатып алу тапсырысына қол қойылды.

Жақында ТШО-ның қазақстандық қамтуды дамыту тобы  IMB-орталығымен бірге Қазақстанның барлық аймақтарын жүйелі түрде тексеру және жергілікті өндірушілердің мүмкіндіктерін зерттеу мақсатында ТШО-ның ауқымды жоспары аясында шымкенттік өндірушілердің нысандарына іссапармен барды.

IMB-орталығы 2021 жылы үш ірі мұнай-газ операторы: Теңізшевройл, Қарашығанақ Петролиум Оперейтинг Б.В., Норт Каспиан Оперейтинг Компани Н.В. компанияларының қолдауымен Қазақстанның мұнай-газ саласындағы OEM өндірушілерін жергіліктендіру және тауарлардағы қазақстандық қамту үлесін ұлғайту арқылы өндірісті дамыту мақсатында құрылды.