Жергілікті тауарлар мен қызметтерді сатып алуға 46,8 миллиардтан астам АҚШ долларын жұмсаған ТШО қазақстандық қамтуды дамытуда жетекші орында қала бермек
ТШО әлемдегі ең ірі және технологиялық күрделі кен орындарының бірін жүргізеді. Теңіздегі барлау және өндіру жұмыстарының қауіпсіздігі мен сенімділігі - бұл Қазақстанның экономикалық прогресін күшейтуде және ғаламдық энергияға деген сұранысты қанағаттандыруда табысқа жетудің бір жолы. Біздің міндетіміз – жергілікті жеткізушілер мен мамандарға мүмкіндік беру арқылы халықаралық стандарттарға сәйкес келетін тауарлар мен қызметтерді алу.
ТШО-ның Келісімшарт және сатып алу жоспарында қамтылған ақпарат, «Теңізшевройл» ЖШС-нің (бұдан әрі – ТШО) ақпаратта сілтеме жасалған алдағы кезеңге тауарларға, жұмыстарға немесе қызметтерге алдын ала қажеттіліктерінің болжамы болып табылады. Жеткізушілерді алдын ала таңдауға, келісімшарт жасасу және/немесе сатып алу қызметтеріне қатысты деректердің жариялануы тек ақпарат үшін және ол ТШО-ның қандай да бір қызметті жүзеге асыру жөніндегі міндеттемесі немесе ТШО-ның кез келген тұлғаға оған қатысуға ұсынысы ретінде қаралмауы тиіс. Бұрын жарияланған жеткізушілерді алдын ала таңдау бойынша іс-шаралар, келісімшарттар және/немесе сатып алу іс-шаралары ТШО-ның қалауы бойынша алдын ала ескертусіз кейінге қалдырылуы, өзгертілуі немесе жойылуы мүмкін. Жаңартулардан хабардар болу үшін осы веб-сайтты тұрақты түрде қарап отырыңыз. ТШО мұндай тұлғаның ТШО-ның Келісімшарт және сатып алу жоспарында жарияланған деректерге сүйеніп шешім қабылдауына байланысты туындауы мүмкін кез келген тұлғаның кез келген залалы немесе шығындары үшін кез келген міндеттемелерден немесе жауапкершіліктен анық түрде бас тартады.
Бізге хабарласыңыз
kcdsearch@tengizchevroil.com
Жоғары вольтты кабельдер, төмен вольтты токты бөліп таратқыш тақта, трансформаторлар, қосалқы станция, қашықтан қол жеткізуді басқару станциясы
Жоғары вольтты қозғалтқыштарды жөндеу қызметі, жылу алмастырғыш құбырын алмастыру қондырғысы
Резервуарлар мен ыдыстар
Клапандар, фланецтер мен фитингтер, бұрандамалар, бұрылмалы бітеуіштер мен аралық тіректер
Талшықты-оптикалық кабель
Қалдықтарды кәдеге жарату, қауіпсіздікті сақтау тренингтері онлайн режимде, ағаш қалдықтарын шығару, қауіпсіздік киімдері
Тек 2019 жылы ТШО мен оның жеткізушілері ұзақ мерзімді келісімшарттар бойынша 103 қазақстандық қамту жоспарын орындады.
ТШО қауіпсіз, сенімді және үздіксіз өндірістік операцияларды жүргізу және ККЖ-ҰЕҚБЖ жобасын жүзеге асыруды жалғастыру үшін бүкіл әлемге танымал жабдықтың түпнұсқасын өндірушілермен (OEM) жұмыс істейді. Біздің ұзақ мерзімді келісімшарттық стратегиямыз ТШО мен жеткізушілерге жергілікті нарықтың әлеуетін дамытуға одан әрі инвестициялау үшін бірқатар мүмкіндіктер береді.
ТШО жергілікті қамтуды дамыту мүмкіндіктерін жұмыс жасап жүрген және әлеуетті жеткізушілермен бірге анықтайды
ТШО мен жеткізушілер осы мүмкіндіктер туралы келіседі және қазақстандық қамту жоспары құрылады
ТШО мен жеткізушілер келісім-шарт аясында қазақстандық қамту жоспарын рәсімдейді
ТШО әрдайым сәйкес келуін және орындалуын бақылайды
Жергілікті қамту туралы айтқанда, жетістіктеріміз атқарылған жұмыстарымыз арқылы көрінеді. ТШО үшін заңды талаптардың бірі – қазақстандық қамтуға жұмсалған шығындарды есептеу және олар жөнінде есеп беру. Жеткізушілердің ҚҚ есептеу әдістемесімен танысуын қамтамасыз ету өзіміз үшін де пайдалы. Тоқсан сайын біз жеткізушілеріміз үшін жер қойнауын пайдалану кодексінің және үкіметтің қаулыларының жекелеген аспектілерін қамтитын тиісті тренингтер өткіземіз, олар жергілікті қамтуды есептеу, негізгі Ұғымдар мен анықтамаларды және жұмсалған тауарлар мен қызметтердегі ҚҚ есептеу мысалдарын реттейді.
2025 жылғы 2–3 қазан аралығында Астана қаласында Kazakhstan Energy Week – 2025 апталығы аясында XVI Еуразиялық KAZENERGY форумы өтті. Энергетика саласындағы бұл ауқымды іс-шара 50 елден келген 300-ден астам қатысушының басын қосты. Биылғы форумның тақырыбы – «Жаңа энергетикалық тәртіп: Орта державаларға назар аудару». Мұндай державалар қатарына географиялық орналасуы бірегей, энергетикалық әлеуеті зор Қазақстан Республикасы да кіреді.
Қазақстан Республикасының Премьер-Министрі Олжас Бектенов Мемлекет басшысы Қасым-Жомарт Тоқаевтың форумға қатысушыларға арналған Үндеуін оқып берді: «Біз еліміздің энергетикалық қауіпсіздігі мен дербестігін нығайта түсу үшін ауқымды жобаларды жүзеге асырып жатырмыз. Осы маңызды іске халықаралық серіктестеріміз зор үлес қосып келеді. Қазақстан энергетика саласына инвестиция тартуға, оның бәсекеге қабілетін арттыруға баса мән береді. Бұл тұрғыдан алғанда, еліміз жауапкершілігі жоғары орта держава ретінде беделді халықаралық ұйымдармен байланысын бекемдей түсуге мүдделі».
Аталған форум, сонымен қатар, KAZENERGY қауымдастығының 20 жылдық мерейтойына тұспа-тұс келді.
«Қатарының алды болып, тұтас субконтиненттер мен өңірлердің дамуында жетекші рөлі айқын орта державалар бүгінде жаһандық энергетика нарығында үрдіс қалыптастырушы күшке айналуда. Бұл орайда, Kazakhstan Energy Week – 2025 апталығы мен XVI Еуразиялық KAZENERGY форумы аясындағы талқылар жаһандық энергетикадағы бетбұрысты кезеңінде әлем алдында тұрған міндеттер мен сын-қатерлерге кәсіби тұрғыдан қарауға бағытталды. Әлемдегі энергетикалық қауіпсіздік, озық технологияларды жедел енгізу және халықаралық ынтымақтастықты нығайту мәселелері сарапшылар тарапынан кеңінен талқыланды», – деді KAZENERGY қауымдастығының төрағасы Болат Ақшолақов.
Қазақстанның мұнай-газ саласындағы ең ірі оператор – «Теңізшевройл» ЖШС (бұдан әрі – ТШО) дәстүрлі түрде Форумның бас демеушісі ретінде қатысып отыр. Компания Қазақстанның төмен көміртекті болашаққа бағытталған көзқарасын және ауқымды энергетикалық бетбұрысты қолдайтынын тағы бір мәрте көрсетті. ТШО өз қызметінде қолданылып жатқан техникалық және цифрлық инновациялық шешімдерді таныстыра отырып, энергетика саласындағы ілгерілеуге ықпал етуші рөлін айқындады.
ТШО бас директоры Уильям Лакобидің айтуынша: «ТШО 30 жылдан астам уақыт бойы қауіпсіз әрі сенімді түрде Қазақстан игілігіне қызмет етіп келеді. 1993 жылы 1 миллион тонна мұнай өндірісінен бастап, 2024 жылы бұл көрсеткіш 28 миллион тоннаға жуықтады. Теңіз және Королев кен орындары – әлемдегі ең күрделі техникалық нысандар қатарында, және ТШО акционерлерінің қолдауымен бірегей жаһандық технологиялық шешімдер мен салалық үздік тәжірибелерді табысты түрде енгізіп келеді».
ТШО деректерді талдау және жасанды интеллект саласындағы бастамаларды да белсенді түрде қолдауда. Бұл бағыттарда алдын ала техникалық қызмет көрсету, тиімділікті арттыру, күнделікті операцияларды автоматтандыру және логистика мен сатып алу процестерін интеллектуалды оңтайландыру секілді шешімдер қамтылған. Инновациялық технологиялар мен қауіпсіз әрі сенімді жұмысқа адалдығының арқасында ТШО кейінгі он жыл ішінде (2015–2024) зауыттардың орташа сенімділік көрсеткішін 98%-дан жоғары деңгейде ұстап тұр, бұл өз кезегінде Қазақстанға тұрақты табыс әкелуге мүмкіндік берді.
Сонай құрылған сәтінен бастап, ТШО Қазақстан Республикасына 206 миллиард АҚШ долларынан астам тікелей қаржы төлеп, соның арқасында елдің экономикалық дамуына елеулі үлесін қосып келеді.
2025 жылғы 2–3 қазан аралығында Астана қаласында Kazakhstan Energy Week – 2025 апталығы аясында XVI Еуразиялық KAZENERGY форумы өтті. Энергетика саласындағы бұл ауқымды іс-шара 50 елден келген 300-ден астам қатысушының басын қосты. Биылғы форумның тақырыбы – «Жаңа энергетикалық тәртіп: Орта державаларға назар аудару». Мұндай державалар қатарына географиялық орналасуы бірегей, энергетикалық әлеуеті зор Қазақстан Республикасы да кіреді.
Қазақстан Республикасының Премьер-Министрі Олжас Бектенов Мемлекет басшысы Қасым-Жомарт Тоқаевтың форумға қатысушыларға арналған Үндеуін оқып берді: «Біз еліміздің энергетикалық қауіпсіздігі мен дербестігін нығайта түсу үшін ауқымды жобаларды жүзеге асырып жатырмыз. Осы маңызды іске халықаралық серіктестеріміз зор үлес қосып келеді. Қазақстан энергетика саласына инвестиция тартуға, оның бәсекеге қабілетін арттыруға баса мән береді. Бұл тұрғыдан алғанда, еліміз жауапкершілігі жоғары орта держава ретінде беделді халықаралық ұйымдармен байланысын бекемдей түсуге мүдделі».
Аталған форум, сонымен қатар, KAZENERGY қауымдастығының 20 жылдық мерейтойына тұспа-тұс келді.
«Қатарының алды болып, тұтас субконтиненттер мен өңірлердің дамуында жетекші рөлі айқын орта державалар бүгінде жаһандық энергетика нарығында үрдіс қалыптастырушы күшке айналуда. Бұл орайда, Kazakhstan Energy Week – 2025 апталығы мен XVI Еуразиялық KAZENERGY форумы аясындағы талқылар жаһандық энергетикадағы бетбұрысты кезеңінде әлем алдында тұрған міндеттер мен сын-қатерлерге кәсіби тұрғыдан қарауға бағытталды. Әлемдегі энергетикалық қауіпсіздік, озық технологияларды жедел енгізу және халықаралық ынтымақтастықты нығайту мәселелері сарапшылар тарапынан кеңінен талқыланды», – деді KAZENERGY қауымдастығының төрағасы Болат Ақшолақов.
Қазақстанның мұнай-газ саласындағы ең ірі оператор – «Теңізшевройл» ЖШС (бұдан әрі – ТШО) дәстүрлі түрде Форумның бас демеушісі ретінде қатысып отыр. Компания Қазақстанның төмен көміртекті болашаққа бағытталған көзқарасын және ауқымды энергетикалық бетбұрысты қолдайтынын тағы бір мәрте көрсетті. ТШО өз қызметінде қолданылып жатқан техникалық және цифрлық инновациялық шешімдерді таныстыра отырып, энергетика саласындағы ілгерілеуге ықпал етуші рөлін айқындады.
ТШО бас директоры Уильям Лакобидің айтуынша: «ТШО 30 жылдан астам уақыт бойы қауіпсіз әрі сенімді түрде Қазақстан игілігіне қызмет етіп келеді. 1993 жылы 1 миллион тонна мұнай өндірісінен бастап, 2024 жылы бұл көрсеткіш 28 миллион тоннаға жуықтады. Теңіз және Королев кен орындары – әлемдегі ең күрделі техникалық нысандар қатарында, және ТШО акционерлерінің қолдауымен бірегей жаһандық технологиялық шешімдер мен салалық үздік тәжірибелерді табысты түрде енгізіп келеді».
ТШО деректерді талдау және жасанды интеллект саласындағы бастамаларды да белсенді түрде қолдауда. Бұл бағыттарда алдын ала техникалық қызмет көрсету, тиімділікті арттыру, күнделікті операцияларды автоматтандыру және логистика мен сатып алу процестерін интеллектуалды оңтайландыру секілді шешімдер қамтылған. Инновациялық технологиялар мен қауіпсіз әрі сенімді жұмысқа адалдығының арқасында ТШО кейінгі он жыл ішінде (2015–2024) зауыттардың орташа сенімділік көрсеткішін 98%-дан жоғары деңгейде ұстап тұр, бұл өз кезегінде Қазақстанға тұрақты табыс әкелуге мүмкіндік берді.
Сонай құрылған сәтінен бастап, ТШО Қазақстан Республикасына 206 миллиард АҚШ долларынан астам тікелей қаржы төлеп, соның арқасында елдің экономикалық дамуына елеулі үлесін қосып келеді.