Өндіріс

1993 жылы Теңіз кен орнындағы өндірісті өз қолына алған «Теңізшевройл» ЖШС мұнай мен газды айыру зауытын өз иелегіне қабылдады. Теңіз кен орнындағы зауыттың алғашқы буыны КТЖ (Кешенді технологиялық желілер) деп аталады. Өз қызметін жүргізу барысында ТШО КТЖ-ны ұлғайту және жетілдіру ісіне қаржы құйды. Бүгінде КТЖ тиімділігі айтарлықтай артқан және экологиялық тұрғыдан қауіпсіз бес мұнай және газ технологиялық желісінен тұрады. 1991 жылы іске қосылған КТЖ-1 нысаны екі желіден тұрады және әр желінің өндіріс қуаттылығы шамамен тәулігіне 7000 тоннаны құрайды. 1996 жылы дәл сондай қуаттылығы бар екі желіден тұратын КТЖ-2 жұмыстары сәтті аяқталып, нысан іске қосылды. 2001 жылы Королев кен орнынан алғашқы мұнай алынуымен қатар, КТЖ зауытының соңғы бесінші желісі пайдалануға берілді. Бесінші желінің қуаттылығы тәулігіне шамамен 11-12 мың тоннаны құрайды.

Қойнауқаттағы қысымды сақтау үшін ШГА өндірілген шикі газдың үштен бір бөлігін Теңіз кен орнындағы қойнауқатқа өте жоғары қысыммен кері айдайды. Айдау компрессоры әлемде теңдесі жоқ, шикі газ айдау технологиясы саласындағы соңғы жетістіктердің айқын белгісі болып табылады. Шикі газ айдау зауыты ТШО компаниясының жалпы мұнай өндірісінің шамамен 25%-ын қамтамасыз етеді, сонымен қатар қойнауқаттағы қысымды сақтап тұруға мүмкіндік береді.

2021 жылы ТШО және мердігер қызметкерлері 123 миллионнан астам сағат жұмыс жасады, сол аралықта 10 жұмыс күндерін жоғалтқан оқиға орын алды. Бұл жоғары көрсеткіш болғанымен ТШО жұмыс орнында жарақат алуды мүлдем болдырмауға талпынады және осы бағытта қарқынды жұмыс жасап келеді. Осы міндеттемелерді орындау қауіпсіз құрылыс пен жұмыстың екі іргетасы болып саналатын өлім оқиғасын алдын алу мен технологиялық процесс қауіпсіздігінде жетістіктерге жетуді қамтамасыз етеді.