KIOGE көрмесі аясында ТШО-ның қазақстандық қамтуды дамыту бөлімінің маманы қазақстандық кәсіпкерлерге қалай кәсіпорынның қамтушысы болуға болатынын айтып берді. Бірінші, ТШО-ның қамтушысы болуға қызығушылық танытуға шақырады. Ол ТШО-ның қамтушылар базасына компанияңыздың аккаунтын тіркелу арқылы жүзеге асырылады.
Жоғары халықаралық стандарттарға жауап беретін қазақстандық тауарлар мен қызметтер нарығын ұдайы дамыту компанияның тұрақты даму стратегиясының іргетасы болып табылады және ол Қазақстан үшін елеулі құндылықтар жасайды. ТШО Қазақстанның барлық аймақтарының қамтушыларымен және өндірушілерімен серіктестік қарым-қатынастарды одан әрі нығайту үшін барлыұ мүмкіндіктерін қарастырады.
Осылайша, компания ірі стратегиялық қамтушылар мен жабдық өндірушілерден Қазақстан экономикасына инвестиция салып, қызметкерлерді ұлттандыруды талап етеді. Өндірісті сәтті локализациялаудың мысалдары: бұрғылау ерітінділеріне арналған ингредиенттер, қашықтағы аспаптар мен қосалқы станцияларға арналған корпустар. Екіншіден, ТШО компанияларды жоғары талаптарға сай болу қабілетін анықтау арқылы анықтайды. Өткен жылы қалдықтарды кәдеге жарату, кеудешелерді жылумен оқшаулау, төмен және жоғары кернеулі қозғалтқыштарды жөндеу бойынша қызметтер ұсынатын кәсіпорындар, сондай-ақ басқа да қазақстандық компаниялар қаралды.
Бұдан басқа, ТШО Еуропалық қайта құру және даму банкінің (ЕҚҚДБ) бастамасы сияқты отандық бизнесті дамыту бойынша сыртқы жобалармен ынтымақты жқмыс жүргізуде. Аталған бағдарлама шеңберінде отандық кәсіпорындар халықаралық және қазақстандық сарапшылардан тікелей кеңестер алады, сондай-ақ халықаралық сапа сертификаттарын алу үшін оқытудан өте алады. Бағдарламаға қатысудың арқасында қолдау тапқан компаниялардың 79%-ы айналымын 54%-ға немесе орташа есеппен 2,8 млн еуроға ұлғайтты. Жобаға қатысқан компаниялардың 58%-ы қызметкерлер санының орташа есеппен 10%-ға өскенін, яғни 175 жаңа жұмыс орнын ашқанын атап өтті. Сонымен қатар, клиенттердің 46%-ы әйелдерге арналған жұмыс орындарының 13%-ға өскенін атап өтті. Жалпы, ЕҚДБ мен ТШО арасындағы ынтымақтастық кезінде жергілікті кеңес берушілері қатысуымен 30-дан астам жоба, саланың халықаралық сарапшылары қатысуымен 8 жоба жүзеге асырылды, 900-ден астам қатысушысы болған 10 оқу тренингтері мен семинарлары өткізілді. Сонымен қатар, 15 қазақстандық нұсқаушы Халықаралық еңбек ұйымы атынан еңбек қауіпсіздігі және еңбекті қорғау саласында сертификатталды, мердігерлердің 8 қызметкері ішкі аудитор ретінде сертификатталды.
«IHS Markit» Алматы қаласындағы КИМЭП университетінің зерттеушілер тобымен бірлесіп, ТШО-ның ақшалай баламадағы мұнай мен газды өндіру саласындағы өндірістік қызметіне, ТШО шығыстарының қазақстандық компанияларға әсеріне, сондай-ақ әлеуметтік инвестициялар бағдарламаларына қосқан үлестеріне талдау жүргізді. 2010 жылдан бастап 2019 жылға дейінгі кезеңде ТШО-ның жергілікті қазақстандық кәсіпорындарға жұмсаған шығындары жалпы алғанда шамамен 24,4 млрд АҚШ долларын немесе жылына орташа 2,4 млрд АҚШ долларын құрады. Бұл өз кезегінде «IHS Markit» компаниясының арнайы экономикалық модельдерін пайдалана отырып есептелген экономикалық белсенділіктің екі түрін қозғалысқа келтіреді. ТШО қызметі негізінен Атырау облысында шоғырланған, алайда компанияның жергілікті нарықтағы орташа жылдық шығындары бір облыспен шектелмейді.
Бұдан басқа, ТШО қазақстандық қамтушыларға, атап айтқанда, өндірістік және техникалық қажеттіліктер мен оларға қойылатын талаптар туралы ақпарат беру арқылы қолдау көрсетуге ұмтылады. Бүгін сайтта компанияның сатып алу жоспарын таба аласыз.
