2021 жылдың 9 желтоқсаны, АТЫРАУ – «Теңізшевройл» (ТШО) өзінің 28 жылдық тарихында маңызды кезең-500 миллион тоннадан (4 миллиард баррель) астам шикі мұнай өндіріп, айтулы межеге қол жеткізді.
ТШО бас директоры Кевин Лайон:«ТШО-ның бұл табысы Қазақстан Республикасы үкіметінің, акционерлеріміздің, өзіміз еңбек етіп жатқан аймақтың қауымдастығы мен өз ісіне берілген талантты қызметкерлеріміздің ұдайы қолдауынсыз мүмкін болмас еді.ТШО-ның Қазақстанмен серіктестігі бірлескен жұмыс нәтижесінде ғана ғаламат жетістікке жетудің жарқын мысалы болып табылады», - деп атап өтті.
ТШО құрылған күннен бастап, өнім өндіруде өндірістің қауіпсіздігі мен сенімділігіне үздіксіз ден қоюдың, сондай-ақ активтерге тұрақты инвестиция салудың және Қазақстан үшін ең жаңа технологияларды қолданудың арқасында бірнеше маңызды кезеңге қол жеткізді. Өз қызметінің алғашқы жылында, яғни 1993 жылы шамамен 1 миллион тонна мұнай өндірді. Ал, 2020 жылдың соңына қарай жылдық өнім өндіру көлемі 26,5 миллион тоннаға дейін өсті, бұл Қазақстан Республикасындағы жалпы шикі мұнай өндіру көлемінің шамамен 35 пайызы.
Бас директордың орынбасары Айбек Қрамбаев:«ТШО-ның дамуы Қазақстанның әлемдік мұнай өндірісінде ірі өндірісшілер қатарынан табылып, әлемдік аренадағы басты ойыншы болуына ықпал етті. Біз технологиялық тұрғыда әлемдегі ең күрделі кенішіті ашып, жайғастырудағы Теңізді алғаш ашушылардың баға жетпес еңбегіне әркез шексіз алғысымызды арнаймыз.Олар Қазақстанның болашақ ұрпағы үшін берік іргетас қаладыі», - деді.
Осы күнге дейін кәсіпорын қызметінің нәтижелері ел экономикасының дамуына қазақстандық ұйымдарға 158 млрд АҚШ долларынан астам тікелей төлем және жергілікті тауарлар мен қызмет түрлеріне 39,3 миллиардтан астам АҚШ долларын салу арқылы ықпал етті.
Кәсіпорын өз қызметінің 28 жылында күллі Қазақстан бойынша 310 мыңдай жұмыс орнын ашты. ТШО кейбірі кәсіпорын құрылған кезде болмаған бұрғылау, өндірістік операциялар, еңбекті қорғау және қауіпсіздік техникасы және басқа да салалардағы жергілікті қызметкерлердің дағдыларын дамытуға тұрақты түрде, ұдайы инвестиция салумен келеді.
ТШО 2000 жылдан бері қоршаған ортаны қорғау шараларына 3 миллиард АҚШ долларынан астам, оның ішінде парникті газды қоса алғанда, жалпы шығарындыларды азайту жобаларына 1,5 миллиард доллар көлемінде қаражат салды.Осы кезеңде атмосфераға жіберілетін шығарындылардың жалпы қарқынғы 71 пайызға төмендеді. 2017 жылдан бері алауда газ жағу көлемі 67,8 пайызға қысқарды.
Келешек кеңею жобасы (ККЖ) мен Ұңғы ернеуіндегі қысымды басқару жобасы(ҰЕҚБЖ) қазақстандық және халықаралық компаниялар арасындағы серіктестік және аймақтағы инфрақұрылымды жаңғырту негізінде кәсіби тұрғыда дайындалған маман кадрлар, жаңа өндірістік нысандар, технологиялық ауысым түрінде мұра қалдырады.
«Теңізшевройл» ЖШС туралы
«Теңізшевройл» ЖШС-і шикі мұнай, газ және күкірт өндірумен және өткізумен айналысады. ТШО жаңа технологияларды қолданады және жұмыстардың барлығын қауіпсіздік техникасы мен қоршаған ортаны қорғау бойынша халықаралық талаптарға сай жүргізеді. «Теңізшевройл» ЖШС 1993 жылы Қазақстан Республикасы мен «Шеврон» компаниясы арасындағы келісім негізінде құрылды. «Теңізшевройл» ЖШС-нің қазіргі кездегі серіктестері: «Шеврон» корпорациясы – 50%, «ҚазМұнайГаз» ҰК АҚ – 20%, «ЭксонМобил Казахстан Венчурс Инк.» – 25% және «ЛукАрко» – 5%.
Келешек кеңею жобасы (ККЖ) мен Ұңғы ернеуіндегі қысымды басқару жобасы (ҰЕҚБЖ) – «Теңізшевройл» ЖШС-нің бір мезгілде жүзеге асыратын біріктірілген екі жобасы. ККЖ жобасын жүзеге асыру Теңіз кенішіндегі шикі мұнай өндіру көлемін жылына шамамен 12 миллион тоннаға арттырады, бұл шамамен жылына 39 миллион тонна. ККЖ өндіріс қуаттылығын арттыруға бағытталса, ҰЕҚБЖ ұңғыма ернеуіндегі қысымды азайту және қолданыстағы алты кешенді технологиялық желідегі қысымды арттыру арқылы Теңіздегі ағымдағы зауыттардың толыққанды жұмысын қамтамасыз етеді.
