Атырау, Қазақстан – 19 қыркүйек, 2023 ж. – «Теңізшевройл» ЖШС (ТШО) өз тарихындағы ең күрделі жөндеу жұмыстарының бірін мерзімінен бұрын сәтті аяқтады. ТШО-ның Теңіздегі барлық қондырғыларында өндіріс қауіпсіз қалпына келтірілді.

Үш жыл бойы ТШО ең шарықтау шегінде 5200-ден астам қазақстандық маман жұмыс істеген «Кешенді технологиялық желінің-2» (КТЛ-2) жөндеу жұмыстарын мұқият жоспарлады. Жөндеу жұмыстары Теңіз КТЖ-2 технологиялық қондырғыларының сенімділігі мен қауіпсіздігін қамтамасыз етуге және қоршаған ортаны қорғау бойынша қосымша жобаларды жүзеге асыруға бағытталған.

«Мен ТШО мен мердігер ұйымдар арасындағы берік серіктестікке, сондай-ақ ТШО командасының осы өзгерісті басқарудағы және маңызды белеске жетудегі адалдығы үшін алғысымды білдіргім келеді. Қазақстан Республикасы билігі тарапынан көрсетілген қолдауды да атап өткім келеді», - деді ТШО бас директоры Кевин Лайон.

Компания тарихында бірінші рет техникалық қызмет көрсету тобы салмағы шамамен 100 тонна және биіктігі 37 метр резервуарды жаңа, металлургиялық жаңартылған колоннаға сәтті ауыстырды, сонымен қатар өңделген газды кептіруге арналған үш молекулалық елеуішті ауыстырды. Бұл қондырғылардың барлығы Қазақстан аумағындағы жергілікті компанияларда жасалған.

«ТШО әрдайым қазақстандық өндірушілер мен қызмет көрсетушілерді дамытуға ұмтылып, Қазақстан үшін елеулі пайда әкеледі», - деді ТШО бас директорының орынбасары Көңілқош Сүйесінов

Күрделі жөндеу жұмыстары Қазақстан Республикасының (ҚР) заңнамасына сәйкес және халықаралық мұнай-газ стандарттарына сәйкес жүргізілді.

«Теңізшевройл» ЖШС туралы

«Теңізшевройл» ЖШС (ТШО) – шикі мұнай, сұйытылған газ, құрғақ газ және күкіртті өңдеумен, өндірумен және сатумен айналысатын қазақстандық серіктес компания. ТШО заманауи технологияларды енгізіп, өз жұмысын әлемдік деңгейдегі қауіпсіздік және экологиялық стандарттарға сай жүргізеді. ТШО 1993 жылы сәуірде Қазақстан Республикасы Үкіметі мен «Шеврон» корпорациясы арасындағы шарт бойынша құрылған. Серіктестер – «Шеврон» - 50 %; «ҚазМұнайГаз» ҰК» АҚ - 20 %; «ЭксонМобил Қазақстан Венчурс Инк.» - 25% және Лукойл - 5%.