«Теңізшевройл» ЖШС (ТШО) 2024 жылғы корпоративтік жауапкершілік туралы жыл сайынғы есепте өз қызметінің негізгі қорытындыларын ұсынады.
Компанияның басымдықтары өзгеріссіз қалды: өнеркәсіп «ТШО сара жолының» корпоративтік құндылықтарына сай, қауіпсіздік, сенімділік және экологиялық жауапкершілік қағидаттарын сақтауға ерекше назар аударуды жалғастырды. Құжатта компанияның 2024 жылдың қорытындысы бойынша негізгі көрсеткіштерімен қатар, ТШО-ның ерікті бағдарламалары, демеушілік көмек және су тасқыны салдарын жою аясында көрсетілген әлеуметтік қолдау шаралары сипатталған.
2024 жыл Қазақстанның мұнай саласының 125 жылдығы және Теңіз кен орнының ашылуының 45 жылдығымен атап өтілді. Көптеген жылдар бойы ТШО озық технологияларға, адами капиталға және жергілікті қауымдастықтарды дамытуға инвестиция сала отырып, Теңіз кен орнын тиімді басқарып келді және Қазақстанның экономикалық өрлеуіне өз үлесін қосып келе жатыр.
1993 жылдан бері ТШО-ның салықтық төлемдері мен роялтидің жалпы көлемі 201 миллиард АҚШ долларынан асып, мемлекеттік бюджетке тікелей қаржы аударуға және елдің экономикалық дамуына ықпал етті. Сонымен қатар, ТШО үшінші жыл қатарынан Қазақстан Республикасы Қаржы министрлігінің Мемлекеттік кірістер комитетімен (МКК) жер қойнауын пайдаланушы санатында «Үздік салық төлеушісі» болып танылады.
Есепте көрсетілген негізгі деректер:
- Қоршаған ортаны қорғау
ТШО қоршаған ортаны қорғау шараларына тұрақты негізде инвестиция салып келеді, бұл өндірілген шикі мұнайдың тоннасына есептегенде ТШО-ның атмосфераға шығарындыларының көлемін 71% төмендетуге мүмкіндік берді.
Суды қайта пайдалану көрсеткіші 48% құраса, қалдықтарды қайта өңдеу көрсеткіші 54% болды.
Сонымен қатар, 2024 жылы ТШО өнеркәсіптік қауіпсіздік талаптарын сақтай отырып, АМЖ кезеңімен енгізуді аяқтап, ТШО нысандарынан нақты уақыт режимінде деректерді кезең-кезеңмен беруге кірісті.
- Қазақстандық қамтуды дамытуға қосқан үлесі
Қазақстандық қамтуды дамыту ТШО үшін стратегиялық басымдықтардың бірі болып қала береді. Тек 2024 жылы компания 2,9 миллиард АҚШ долларынан астам сомаға отандық тауарлар, жұмыстар және қызметтер сатып алып, қазақстандық қамту деңгейін 69%-ға жеткізді. Бұл сатып алулар тек Атырау облысын ғана емес, басқа да өңірлерді қамтып, олардың экономикалық белсенділігін арттыруға ықпал етті.
- Біз тұратын және жұмыс істейтін қауымдастықтарға салатын инвестициялар
2024 жылдың желтоқсан айында өзінің ерікті әлеуметтік-инфрақұрылымдық «Игілік» бағдарламасы аясында ТШО Жылыой ауданы Құлсары қаласында 600 орындық жаңа мектеп ашты. Бұл қазірдің өзінде «Игілік» бағдарламасы аясында іске асырылған, сапалы білімге қолжетімділікті жақсартуға бағытталған 31-ші білім беру жобасы. Құрылғалы бері ТШО Атырау облысында мектептер, ауруханалар, демалыс орындары мен балабақшалар салуды қоса алғанда, 120-дан астам әлеуметтік жобаға инвестиция салды. Ал әлеуметтік инвестициялар бағдарламасы (ӘИБ) арқылы 2024 жылы ТШО Атырау облысының 7 804 тұрғынына қолдау көрсетті.
